Eg har mange favorittord. Skemtan ok gaman, skjemt og moro, som ei norrøn omskriving for sex. Grisgrendt fordi det kling så fint, og fordi det er slik storparten av Noreg er. Svivørdsle fordi det viser til eit ærestap som ofte utløyser hemn. Og hemn kan vera blodig moro! Gabba, altså å driva med moro, ap og lureri – fordi det er lånord i norrønt som anten kjem frå latin eller gammalfransk, og som dessutan kan knytast til 70-tals Ramones-punk og Frode Gryttens barnebok Gabba Gabba Hey.