Kva er som manna i Egyptens land?

Ei av dei første kokebøkene eg åtte, heiter Ølvännarnas Matbok og er signert den kjende svenske humoristen Lasse Åberg. Det er ei tynn, gjennomillustrert lita skattkiste med enkle oppskrifter på mat det høver å drikke øl til. Ifølgje Åberg er den saka ikkje så komplisert: Øl kan du drikke til alt unntatt asparges. Eg vil tru bryggeribransjen hadde ein finger med i spelet, men det kan eg ikkje sjekke, for boka er naturlegvis borte frå mine hyller.