Stadig feil om kraft
Kraftproduksjon
Jon Hustad hevdar her i avisa igjen at den sterke auken i fyllingsgrad i kraftmagasina i det sørlege Noreg i fjor haust ikkje skuldast låg produksjon, men berre var flaks. Hustad bruker sterke ord og tek få atterhald. La meg svare punktvis.
Hustad argumenterer med at eksporten frå det sørlege Noreg var 10,2 TWh i 2022. Men han blander saman omgrepa: Vi kan godt ha eksport i same periode som fyllingsgraden aukar. Det skjedde til dømes i vekene 41, 44 og 45 i fjor haust. Forklaringa er at mykje kraftproduksjon ikkje kan lagrast. Det gjeld vindkraft, elvekraft, kraft frå små magasin og ikkje minst transittkraft frå Sverige og lenger nord i Noreg. Slik kraft må brukast straks, anten i Noreg eller gå til eksport.
Det som betyr noko for forsyningstryggleiken vår, er om dei større magasina blir tappa. NVE har ei rapporteringsordning der vi kvar veke legg ut statistikk om nettopp dette. Her kan Hustad og andre gå inn og sjå at det vart produsert svært lite kraft frå magasina i det sørlege Noreg i fjor haust.
Hustad skriv at hadde det ikkje regna, hadde ikkje fyllingsgraden auka. Men det regnar kvar haust i Noreg. Spørsmålet er på kva måte hausten i fjor skilde seg frå vanlege haustar. Svaret at det regna noko meir enn vanleg i fjor, men at den låge kraftproduksjonen var det som særmerkte hausten 2022. Det gjeld også om ein ser på lengre tidseriar. Det andre som særmerkte hausten i fjor, var at forbruket var lågt, og at vi importerte kraft i periodar vi vanlegvis eksporterer kraft. Alt det bidrog til å styrke forsyningstryggleiken vår, fordi vi då slapp å tappe eigne magasin.
Hustad definerer igjen «hausten» på sin eigen måte, ved berre å ta med vekene med mykje regn. Men hausten er lang, og første delen av hausten 2022 regna det mykje mindre enn normalt. Ein kan ikkje utelate desse vekene, skal ein få ei rett framstilling av i fjor haust.
For dei som måtte vere interesserte i fleire tal og meir kunnskap om kraftproduksjon, forbruk, tilsig, kraftflyt og netto eksport frå hausten 2022, anbefaler eg statistikken som ligg open for alle på NVE sine nettsider.
Kjetil Lund er vassdrags- og energidirektør i NVE.
Er du abonnent? Logg på her for å lese vidare.
Digital tilgang til DAG OG TID – heilt utan binding
kr 99 for dei fyrste to månadene.
Deretter kr 199 per månad. Stopp når du vil.
Ønskjer du å delta i debatten? Då kan du sende innlegget ditt til ordskifte@dagogtid.no
Kraftproduksjon
Jon Hustad hevdar her i avisa igjen at den sterke auken i fyllingsgrad i kraftmagasina i det sørlege Noreg i fjor haust ikkje skuldast låg produksjon, men berre var flaks. Hustad bruker sterke ord og tek få atterhald. La meg svare punktvis.
Hustad argumenterer med at eksporten frå det sørlege Noreg var 10,2 TWh i 2022. Men han blander saman omgrepa: Vi kan godt ha eksport i same periode som fyllingsgraden aukar. Det skjedde til dømes i vekene 41, 44 og 45 i fjor haust. Forklaringa er at mykje kraftproduksjon ikkje kan lagrast. Det gjeld vindkraft, elvekraft, kraft frå små magasin og ikkje minst transittkraft frå Sverige og lenger nord i Noreg. Slik kraft må brukast straks, anten i Noreg eller gå til eksport.
Det som betyr noko for forsyningstryggleiken vår, er om dei større magasina blir tappa. NVE har ei rapporteringsordning der vi kvar veke legg ut statistikk om nettopp dette. Her kan Hustad og andre gå inn og sjå at det vart produsert svært lite kraft frå magasina i det sørlege Noreg i fjor haust.
Hustad skriv at hadde det ikkje regna, hadde ikkje fyllingsgraden auka. Men det regnar kvar haust i Noreg. Spørsmålet er på kva måte hausten i fjor skilde seg frå vanlege haustar. Svaret at det regna noko meir enn vanleg i fjor, men at den låge kraftproduksjonen var det som særmerkte hausten 2022. Det gjeld også om ein ser på lengre tidseriar. Det andre som særmerkte hausten i fjor, var at forbruket var lågt, og at vi importerte kraft i periodar vi vanlegvis eksporterer kraft. Alt det bidrog til å styrke forsyningstryggleiken vår, fordi vi då slapp å tappe eigne magasin.
Hustad definerer igjen «hausten» på sin eigen måte, ved berre å ta med vekene med mykje regn. Men hausten er lang, og første delen av hausten 2022 regna det mykje mindre enn normalt. Ein kan ikkje utelate desse vekene, skal ein få ei rett framstilling av i fjor haust.
For dei som måtte vere interesserte i fleire tal og meir kunnskap om kraftproduksjon, forbruk, tilsig, kraftflyt og netto eksport frå hausten 2022, anbefaler eg statistikken som ligg open for alle på NVE sine nettsider.
Kjetil Lund er vassdrags- og energidirektør i NVE.
Papiravisa