Gråare norsk krimlitteratur

Radioaktivt utslepp i finnmark

I januar vart det oppdaga radioaktivitet ved ein målestasjon i Finnmark. Mellom 9. og 16. januar vart det registrert radioaktivt jod-131 ved målestasjonen Svanhovd i Pasvikdalen, berre ein kilometer frå den russiske grensa. Målinga vart sendt il Eurdep, som er EU-kommisjonens system for innrapportering av stråling, melder Nationen.

Det tok ikkje lang tid før liknande målingar vart gjorde i Finland, Polen, Tsjekkia, Tyskland, Frankrike og Spania. Etter den første målinga fekk fleire målestasjonar nye utslag.

Seksjonssjef for beredskap i Statens strålevern, Astrid Liland, meiner det kan stamma frå eit anlegg som produserer radioaktive lækjemiddel. Ho viser at på grunn av dårleg vêr og skiftande vind er det vanskeleg å finna ut kvar det kjem frå, men data tyder på at det kjem frå ein stad i Aust-Europa.

Jod-131 vert brukt i stråleterapi og er eit avfallsprodukt frå atomreaktorar og kjernefysiske våpen. Det har ei halveringstid på åtte dagar, og det finst ikkje i naturen. Det forsvinn snøgt, men kan gjera stor skade, melder NRK.

ottar@dagogtid.no

SJU BARNEBOKPRISAR

Kulturminister Linda Hofstad Helleland delte nyleg ut Kulturdepartementets prisar for barne- og ungdomslitteratur for 2016. Det er snakk om prisar på til saman 330.000 kroner til forfattarar, omsetjarar, illustratørar og teikneserieskaparar.

– 2016 er eit usedvanleg godt år for den norske barne- og ungdomsboka. Bøkene er både humoristiske og alvorlege. Utgjevingane er prega av forfattarar og illustratørar som stadig løftar seg og fører noko nytt til bøkene, uttalar juryen.

Litteraturprisen: Torun Lian for Alice svømmer ikke.

Biletbokprisen: Gry Moursund for Tre biler og en død katt.

Fagbokprisen: Eldrid Johansen og Steffen Sørum for Skriv genialt!

Illustrasjonsprisen: Øyvind Torseter for Alice svømmer ikke.

Debutantprisen: Gudrun Skretting for Anton og andre uhell.

Omsetjarprisen: Bodil Engen for Morderens ape.

Teikneserieprisen: Anna Fiske for Palle Puddel drar til New York.

INTERNASJONAL SUKSESS

Den norske boka Gleden med skjeden opplever stor internasjonal suksess. På éin månad er boka til Nina Brochmann og Ellen Støkken Dahl selt til tjue land.

– Noko av det finaste har vore å oppleva den personlege begeistringa alle gjev uttrykk for, om dei no er frå Kina, England, Russland, Brasil eller Israel, seier Even Råkil i Oslo Literary Agency.

HERBJØRNSRUDDAGANE

På Herbjørnsruddagane på Notodden skal det handla om novellene til Hans Herbjørnsrud og Laila Stien. Dagane er lagde til 24. og 25. mars. Jan Erik Vold skal halda opningsføredraget, medan Inger Bråtveit byr på Herbjørnsrud-føredraget, før Herbjørnsrud sjølv skal snakka med Elisabeth Berg om å setja om det som ikkje er råd å setja om. Sidan skal Audun Lindholm ta for seg samarbeidet mellom Vegard Tveitan og Hans Herbjørnsrud. Den første dagen vert avslutta med at Herbjørnsrud les novella Gjesterommet til tonefølgje av Vegard Tveitan. Den andre litteraturdagen på Notodden skal handla om Laila Stiens noveller.

STOREGUTPRISEN TIL SØRSDAL

Litteraturdagane i Vinje deler kvart år ut Storegutprisen, og i år går prisen til forfattaren og omsetjaren Kristin Sørsdal, som har sett om den suksessrike Napoli-kvartetten av Elena Ferrante.

– Samlaget og Sørsdal har ikkje berre synt at god litteratur kan verta populær litteratur, men også at nynorsk ikkje er noka hindring for at han kan nå fram til mange lesarar, jamvel om dei ikkje er vane med å lesa nynorsk, skriv juryen.

I august kjem Sørsdal til Edland for å ta imot prisen.

ottar@dagogtid.no

Sterkt om
dei minste
og svakaste

Gråare norsk krimlitteratur

Radioaktivt utslepp i finnmark

I januar vart det oppdaga radioaktivitet ved ein målestasjon i Finnmark. Mellom 9. og 16. januar vart det registrert radioaktivt jod-131 ved målestasjonen Svanhovd i Pasvikdalen, berre ein kilometer frå den russiske grensa. Målinga vart sendt il Eurdep, som er EU-kommisjonens system for innrapportering av stråling, melder Nationen.

Det tok ikkje lang tid før liknande målingar vart gjorde i Finland, Polen, Tsjekkia, Tyskland, Frankrike og Spania. Etter den første målinga fekk fleire målestasjonar nye utslag.

Seksjonssjef for beredskap i Statens strålevern, Astrid Liland, meiner det kan stamma frå eit anlegg som produserer radioaktive lækjemiddel. Ho viser at på grunn av dårleg vêr og skiftande vind er det vanskeleg å finna ut kvar det kjem frå, men data tyder på at det kjem frå ein stad i Aust-Europa.

Jod-131 vert brukt i stråleterapi og er eit avfallsprodukt frå atomreaktorar og kjernefysiske våpen. Det har ei halveringstid på åtte dagar, og det finst ikkje i naturen. Det forsvinn snøgt, men kan gjera stor skade, melder NRK.

ottar@dagogtid.no

SJU BARNEBOKPRISAR

Kulturminister Linda Hofstad Helleland delte nyleg ut Kulturdepartementets prisar for barne- og ungdomslitteratur for 2016. Det er snakk om prisar på til saman 330.000 kroner til forfattarar, omsetjarar, illustratørar og teikneserieskaparar.

– 2016 er eit usedvanleg godt år for den norske barne- og ungdomsboka. Bøkene er både humoristiske og alvorlege. Utgjevingane er prega av forfattarar og illustratørar som stadig løftar seg og fører noko nytt til bøkene, uttalar juryen.

Litteraturprisen: Torun Lian for Alice svømmer ikke.

Biletbokprisen: Gry Moursund for Tre biler og en død katt.

Fagbokprisen: Eldrid Johansen og Steffen Sørum for Skriv genialt!

Illustrasjonsprisen: Øyvind Torseter for Alice svømmer ikke.

Debutantprisen: Gudrun Skretting for Anton og andre uhell.

Omsetjarprisen: Bodil Engen for Morderens ape.

Teikneserieprisen: Anna Fiske for Palle Puddel drar til New York.

INTERNASJONAL SUKSESS

Den norske boka Gleden med skjeden opplever stor internasjonal suksess. På éin månad er boka til Nina Brochmann og Ellen Støkken Dahl selt til tjue land.

– Noko av det finaste har vore å oppleva den personlege begeistringa alle gjev uttrykk for, om dei no er frå Kina, England, Russland, Brasil eller Israel, seier Even Råkil i Oslo Literary Agency.

HERBJØRNSRUDDAGANE

På Herbjørnsruddagane på Notodden skal det handla om novellene til Hans Herbjørnsrud og Laila Stien. Dagane er lagde til 24. og 25. mars. Jan Erik Vold skal halda opningsføredraget, medan Inger Bråtveit byr på Herbjørnsrud-føredraget, før Herbjørnsrud sjølv skal snakka med Elisabeth Berg om å setja om det som ikkje er råd å setja om. Sidan skal Audun Lindholm ta for seg samarbeidet mellom Vegard Tveitan og Hans Herbjørnsrud. Den første dagen vert avslutta med at Herbjørnsrud les novella Gjesterommet til tonefølgje av Vegard Tveitan. Den andre litteraturdagen på Notodden skal handla om Laila Stiens noveller.

STOREGUTPRISEN TIL SØRSDAL

Litteraturdagane i Vinje deler kvart år ut Storegutprisen, og i år går prisen til forfattaren og omsetjaren Kristin Sørsdal, som har sett om den suksessrike Napoli-kvartetten av Elena Ferrante.

– Samlaget og Sørsdal har ikkje berre synt at god litteratur kan verta populær litteratur, men også at nynorsk ikkje er noka hindring for at han kan nå fram til mange lesarar, jamvel om dei ikkje er vane med å lesa nynorsk, skriv juryen.

I august kjem Sørsdal til Edland for å ta imot prisen.

ottar@dagogtid.no

Sterkt om
dei minste
og svakaste