Kan mitt aller første møte med jazzen ha vore trompeten og røysta til Louis Armstrong (1900–1971) ein gong i barneskulen i 1980-åra? Då yngstesonen kom heim frå skulen her for noko sidan og hadde høyrt Armstrong i ein time, prøvde eg å grave fram stunda frå minnet.

I 1964 er kyrkja på Dverberg fullsett. Andøyas store eventyrar og krigshelt, Torstein Raaby, skal gravleggjast. Nokre tiår seinare skal den då unge Stian Indrevoll starta si dokumentasjonsferd for den gamle barndomshelten sin.

Tyske Leonie er fjorten år gammal og alt ei stjerne på influensarhimmelen. Dagleg legg ho ut likt og ulikt på sosiale medium, og talet på følgjarar passerer snart millionen. Foreldra hennar har sagt opp jobben for vere management for karrieren til dottera.

Jon Haukeland held fram med stilsikker dokumentasjon av livet for trøblete gutar på austkanten i Oslo.

Kamelen, Slim Kamel, Noregs fyrste ekte gangsterrappar, shitkid fra Laksevåg – Marcus har mange kallenamn og merkelappar. Ein av dei mest populære musikkartistane her til lands dei siste par åra har sete i fengsel og har eit tvilsamt rykte og lempeleg omgang med kriminalitet. Men kven er han eigentleg?

Endangered er diverre ein film for dei som alt skjønar kva trugsel demokratiet står overfor når folk ikkje trur på journalistar.

The Janes er historia om eit kriminelt nettverk som dreiv organiserte lovbrot i stor skala i Chicago frå 1969 til 1973. Elleve tusen lovbrot. Eller, som ei av «the Janes» seier, dei var vanlege kvinner som berga livet til kvinner. Slikt likte ikkje styresmaktene.

Då Egil «Drillo» Olsen tok over som trenar for det norske herrelandslaget i 1990, stod det stusseleg til. Drillo drog i gang gullåra for norsk fotball. Under nerden frå Fredrikstad kom laget til to verdsmeisterskap. Alt kulminerte i sigeren mot Brasil i Marseilles ein sumarkveld i 1998. Arne Scheie utbasunerte frå skjermen til kvar ein heim at dette var den største idrettshendinga i norsk historie.

Væpna til tennene med kamuflasjeutstyr og fotografiapparat vandrar trioen Marie Amiguet, Munier og Sylvain langs Det tibetanske platået på jakt etter den sky snøleoparden. Meir lette å få auge på er dei mange andre vakre dyra som lever utan innblanding frå menneske, som om det var sånn verda skulle vore.

Etter sjarmerande Opprørske oldemødre og imponerande Hatets vugge er dokumentarfilmskaparen Håvard Bustnes heime igjen. Han har følgt Trond Giske på signingsferd året etter at dei første varsla kom mot politikaren.